هررررررررررررررررريدى

الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه
كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع

فيه مدرس بيدرس في المرحلة الابتدائية سأ ل واحد من الطلاب

طير بيتكلم وأول حرف منه الباء ؟

فرد عليه الطالب وبسرعة : الببغاء

فقال : ممتاز .. إسمك ايه؟

أحمد

سأله المدرس: أبوك

بيشتغل اية؟

رد الطالب :دكتور

فقال المدرس : شايفين ولاد الدكاترة ؟

راح المدرس سأل سؤال ثاني

حيوان بطيء وأول حرف

في اسمه السين ؟

فرد أحد الطلاب : سلحفاة

يرد المدرس : ممتاز .. اسمك إيه؟

فقال : وائل

سأله المدرس: أبوك بيشتغل ايه

رد الطالب: مهندس

فقال المدرس شايفين ولاد المهندسين ؟

بعدها سأل المدرس السؤال الثالث : طائر له جناحين وبيعوم على الميّه... ما هو ؟

فرد أحد الطلاب و بسرعة : تمساح

فيقول المدرس: شايفين الغبي ده؟

سأله المدرّس: أبوك يشتغل إيه ياغبي؟

رد الطالب : لواء أمن دولة

رد المدرس : بص يا حبيبي هو التمساح بيطير بس مش كتير ولو شد حيله

حيطير أعلى

ههههههههههههههههههههههه جمال جدا يا ميدو
و عنده حق مش التمساح لية ريش كمان هههههههههههههه